#MiPactoVerdeEU
INSCRÍBETE AQUÍ
Os centros Europe Direct A Coruña, Europe Direct Castellón, Europe Direct Ciudad Real, Europe Direct Donosti e Europe Direct CAIRE Maestrazgo organizamos conxuntamente os Diálogos Cidadáns coa mocidade sobre o Pacto Verde Europeo: #MiPactoVerdeEU
Cada centro Europe Direct seleccionará 25 mozos e mozas para manter un Diálogo aberto sobre cinco ámbitos do Pacto Verde Europeo.
Antes de seguir... Sabes do que falamos?
O Pacto Verde Europeo é unha das prioridades da Comisión Europea para reverter o cambio climático e frear os seus efectos. Trátase de conseguir que a UE sea climáticamente neutra en 2050. Como?
-Cun uso eficiente dos recursos: temos que pasar a unha economía limpa e circular!!
-Coa restauración da biodiversidade
-Coa reducción da contaminación.
E, algo moi importante: a transición á economía verde ha de ser xusta e inclusiva; sen deixar a ninguén atrás!!
A Comisión Europea propuxo unha serie de medidas para acadar este obxectivo, agrupadas por ámbitos de actuación: enerxía, industria, construcción, transporte, biodiversidade, alimentación…
Para que estas medidas se poñan en práctica, TODA A CIDADANÍA ha de tomar conciencia e poñer o seu gran de area.
Sí, ti tamén, es parte do cambio!
Que temas imos tratar?
En cada grupo local tratarase un tema específico do Pacto Verde Europeo:
- Europe Direct CAIRE Maestrazgo: Despoboación e medio ambiente
- Europe Direct Castellón: Agricultura sostible
- Europe Direct Ciudad Real: Consumo sostible
- Europe Direct Donosti: Zonas urbanas e cambio climático
En Europe Direct A Coruña imos falar de Economía Verde: Industria sostible e Economía Circular.
En que consiste este Diálogo Cidadán?
Esta actividade ten dúas fases: a local e a nacional.
Fase local: cada centro escoitará a voz dun grupo de mozos e mozas do seu territorio sobre cada un dos temas elixidos.
Europe Direct A Coruña construirá este Diálogo a través de dúas sesións en liña:
16/03/2021, de 19:00 a 20:00 h.
Comezamos cunha sesión formativa moi dinámica sobre o Pacto Verde Europeo.
- Aprenderás cales son as liñas fundamentais.
- Terás coñecemento específico sobre Economía Verde.
- Descubrirás exemplos de xente moza que apostou por emprender dentro da Economía Circular.
- Espazo para o debate entre os/as participantes.
23/03/2021, de 19:00 a 20:00 h.
Seguimos co debate para extraer conclusións sobre as medidas clave para a transición a unha Economía Verde. Falamos de cousas realistas, que se poidan desenvolver no día a día!
Fase nacional: ábrese coa Consulta Pública Cidadá e péchase cun debate a nivel nacional con representantes da Comisión Europea.
06/04/2021 – 11/04/2021: Consulta Pública
As Conclusións dos cinco grupos participantes serán sometidas a Consulta Pública en liña para que toda a ciudadanía vote as súas preferidas.
14/04/2021, de 16:00 a 17:30 h.
Rematamos a actividade cun Diálogo a nivel nacional. Un/Unha representante de cada grupo local exporá as súas propostas ante o representante da Comisión Europea.
Coa intervención de Juan González Mellizo, Analista político, Representación da Comisión Europea en España
Se che preocupa o medio ambiente, frear o cambio climático e sumar a túa voz á doutros mozos e mozas, non o dubides: PARTICIPA!!
Que vos pedimos?
Dispoñibilidade horaria para asistir ás sesións en liña que terán lugar as tardes do:
- 16 de marzo
- 23 de marzo
- 14 de abril
Participar activamente nas sesións e manter acesa a cámara web durante a conexión.
Que podes obter?
- Coñecer o Pacto Verde Europeo desde unha perspectiva práctica e amena.
- Interactuar con membros do ClubUE, coñecervos e intercambiar ideas.
- Dialogar con representantes da Comisión Europea.
- Intercambiar experiencias con mozos e mozas doutras provincias.
- Un certificado de recoñecemento como participante.
- Un agasallo especial.